Liburu banaketa

Kaixo familiak, zer moduz zaudete? Gu berriro martxan gaude!! 
Urtero bezala, zuen seme-alaben testu-liburuak HARITZA GURASO  ELKARTEAREN bitartez banatuko dira.
Liburu banaketa irailaren 6an, asteazkenean, egingo dugu. Goizeko 11.30etatik 13.30era, eta arratsaldeko 16:00etatik 18:00etara jantokian (Ikas2n).
Liburuak umearen amak, aitak edo tutoreak jasoko ditu. Izan ere, liburuak jasotzearekin batera, mezuan erantsita doan dokumentua ere bete eta sinatu beharra dago (dokumentua han betezeko aukera izango duzue.). Gurasoak gerturatu ezingo balira, aipatutako dokumentua beste norbaitek ekar ditzake amak, aitak edo tutoreak sinatuta. 
 
Azkenego urteetan egin genuen moduan, Haritza Guraso Elkarteari dirua zor dioten familiek ezingo dituzte liburuak bertan eskuratu. Kasu hauetan, testu-liburuen zerrenda emango zaie haien kabuz eros ditzaten edo momentuan zorra ordaindu ahal izango dute liburuak eskuratzeko.

Ikastolako jaia

Ekainak 3 Ikastolako Jaia ospatuko dugu. Animatu zaitez, oso ondo pasatuko dugu!

Hezkuntza legea hitzaldia

NOLA ERAGITEN DIGU HEZKUNTZA LEGE BERRIAK?

Datorren astearterako, martxoak 21 16:45tan, Hezkuntza Lege berriak eskola publikoan eta ondorioz zuen alabengan nola eragingo duen inguruko hitzaldi bat antolatu dugu.

DENON ARDURA DELAKO, ANIMA ZAITEZ!

Familia eskola martxan

Pasa den astean FAMILIA ESKOLA martxan jarri zen. Otsailak 20 eta 27an, familiontzat lehen sorospenei buruzko ikastaroa izan genuen. Oso interesgarria izan zen eta asko ikasi genuen.
Prestakuntza-saioak hileko azken astelehenetan izango dira, 15:00-16:20 ordutegian. Informazio gehiago gure web orrialdean aurki dezakezue.

FAMILIA ESKOLA

Inauterietako txokolatada

Astearte honetan, Ikastolako Euskara Batzordeak Guraso Elkartearekin batera txokolatada bat antolatu genuen Santa Maria enparantzan Porrero eta Sorginari agurra emateko. Txokolate eta bizkotxo goxoak jan genituen eta Zirkubira kalejiraz gozatu eta gero, Porrero eta Sorginari agur esan genien.

Matrikulazio kanpaina


MATRIKULA BILERA

OTSAILAK 8 17:OO

ETOR ZAITEZ GU EZAGUTZERA!!

Agate Deuna

Pasa den ostiral arratsaldean, otsailak 3, AGATE DEUNA ospatu genuen. Umeak eta gurasoak oles egitera elkarrekin atera ginen eta oso ondo pasatu genuen! Aguraingo zenbait lekutatik abestu genuen eta ate-joka ibili  ginen. Ikastolako trikitilariak gurekin izan genituen bidea alaitzen. Bukatzean, lortutako janariarekin merendola bat egin genuen Santa Maria enparantzan.

Jarrai dezagun bada, guztion artean gure ohitura zaharrak bizirik mantentzen eta euskal kultura sustatzen.

ESKERRIK ASKO eta datorren urterarte.